უძრავი ქონების გაყიდვა-გაქირავება ხშირად დამღლელი და რთული ეტაპებით არის სავსე: არამიზნობრივი ზარები, უშედეგო შეხვედრები და საბოლოო ჯამში ფუჭად დაკარგული დრო...
თუმცა ეს ყველაფერი შეიძლება ბევრად მარტივი და სწრაფი იყოს, თუ სწორ ნაბიჯებს გადადგამ!
აი 5 რჩევა, რომელიც დაგეხმარება ბინის სწრაფად რეალიზებაში:
{{readmore}}
- პოტენციური კლიენტის წინასწარ განსაზღვრა
პირველ რიგში სანამ რაიმეს მოიმოქმედებ, უნდა გადაწყვიტო, თუ ვინ იქნება შენი იდეალური კლიენტი:
- სტუდენტი, რომელიც ბიუჯეტურ და პატარა სტუდიოს ვარიანტს ეძებს;
- ახალგაზრდა წყვილი, რომელიც ბავშვის მოლოდინშია და წყნარი უბანი სურს საცხოვრებლად;
- კომერციული ფართის ძიებაში მყოფი კომპანია თუ სხვა.
როდესაც ამ დეტალს წინასწარ და სწორად განსაზღვრავ, განცხადებაც უფრო მიზანმიმართული და ეფექტური გახდება შენი იდეალური კლიენტის მოსაზიდად.
- რეალური და ესთეტიური ფოტოები
უმრავლესობას ჰგონია, რომ პროფესიონალური ფილტრებით დამუშავებული და გალამაზებული სურათების გარეშე განცხადება ვერ ივარგებს, თუმცა ეს ასე არ არის…
არც ფოტოშოპი გჭირდება და არც ზედმეტი ფილტრები. ნებისმიერ კლიენტს ისედაც ბინის “რეალური სახის” ნახვა სურს და არა შელამაზებული, სინამდვილისგან შორს მყოფი ვარიანტის.
ერთადერთი რაც დაგჭირდება, ესაა კარგი განათება და სუფთა სივრცე, რომ ფოტოებში შენი ბინა კარგად ჩანდეს და შესაფერისი მყიდველის ან/და დამქირავებელისთვის მოსაწონი იყოს.
- მიმზიდველი სათაური
სათაური პირველია, რასაც შენი პოტენციური კლიენტი ხედავს, შესაბამისად სტანდრტული „იყიდება ბინა 100 კვ.მ.“ ხშირად ყურადღებას ვერ იქცევს.
როდესაც წინასწარ გაქვს განსაზღვრული, თუ ვინ იქნება შენი იდეალური კლიენტი, სწორედ მას შეგიძლია ელაპარაკო პირდაპირ და შესთავაზო მისთვის საინტერესო ინფორმაცია, მაგ: „მყუდრო ბინა ვერაზე”, “ხედი მთაწმინდაზე“ და ა.შ.
მსგავსი სათაური შენი იდეალურ კლიენტის ყურადღებას პირველივე წამიდან მიიქცევს.
- ფასის მითითება
ხშირია შემთხვევები, როდესაც განცხადებაში ფასს არ უთითებენ და აწერენ “შეთანხმებით”-ს, თუმცა ამით პოტენციურ კლიენტს ნეგატიური განცდა უფრო უჩნდება ვიდრე დადებითი:
- ზედმეტად ძვირს ხომ არ ითხოვენ;
- ბინას რაიმე წუნი ხომ არ აქვს;
- ან უბრალოდ ზედმეტი წვალება ხომ არ დასჭირდება ამის გასარკვევად
რის გამოც შეიძლება ეგრევე სხვა ვარიანტის ძებნაზე გადავიდეს.
ყველას გვესმის, რომ საბოლოო ფასი რიგი გარემოებების გამო შესაძლოა შეიცვალოს, თუმცა მისი მითითება ზრდის ნდობას და ზოგავს დროს ორივე მხარისთვის.
- სწორი პლატფორმა
როგორი იდეალურიც არ უნდა იყოს განცხადება, მაინც არ ექნება მას აზრი, თუ იქ არ განათავსე, სადაც მას შენი იდეალური კლიენტი აუცილებლად ნახავს.
დღესდღეობით, განცხადების მხოლოდ ვებგვერდზე დადება ყოველთვის არ ამართლებს ან იმაზე დიდი დრო გვჭირდება კლიენტის მოსაძებნად, ვიდრე ვისურვებდით.
თანამედროვე ტენდენციებს რომ არ ჩამოვრჩეთ, უკვე საჭიროა სოც. ქსელების ჩართულობაც და რელურ კლიენტთა ბაზა, რომ სასურველი კლიენტი უფრო სწრაფად და მარტივად იპოვო.
სწორედ ამ მიზნის მისაღწევად განახლდა Makler.ge-ს პლატფორმა, სადაც უკვე 100,000-ზე მეტი რეალური მომხმარებელი აქტიურად ყიდის, ყიდულობს და აქირავებს უძრავ ქონებას.
და რაც მთავარია, ეს მხოლოდ ვებ პლატფორმა არ არის - ამ ყველაფრის უკან დგას რეალური კომპანია, 21 წლიანი გამოცდილებით, რომელიც პირველი იყო ვინც საქართველოს უძრავი ქონების განცხადებები გააციფრულა, ხოლო ახლა უკვე ხელმისაწვდომი გახადა ყველა მომხმარებლისთვის.
შედეგად, რეალურ კლიენტთა ბაზის, ვებგვერდისა და სოც. ქსელების დახმარებით, ბინას პირდაპირ იმ ხალხს აჩვენებ, ვინც რეალურად ეძებს მას და შენს იდეალურ კლიენტზეც გაცილებით სწრაფად გადიხარ, ვიდრე სხვა ალტერნატიული მეთოდებით!
რაღას უცდი? განათავსე შენი განცხადება დღესვე
P.S. თუ დახმარება დაგჭირდება, ან ზედმეტად დაკავებული ხარ, რომ ეს ყველაფერი თავად აკეთო დაგვიკავშირდი და ჩვენი სერტიფიცირებული რეალტორები დაგეხმარებიან ?(599 42 88 44)